Էլ թալանելու բան չի մնացել, մնացել է ժողովուրդն ու Սևանա լիճը…

ԱԺ արտահերթ նիստում քննարկվում է ապօրինի հարստացման քրեականացման հարցը: Հիմնական զեկուցողն է արդարադատության նախարար Արփինե Հովհաննիսյանը: ՕԵԿ-ական Հովհաննես Մարգարյանը հարց ուղղեց նախարարին, ասելով, որ հետադարձ ուժ պետք է ունենա այս օրենքը, որովհետև ինչ կա, չկա, ամեն ինչ թալանել վերջացրել են պաշտոնյաները:

«Հանրապետության եղած չեղածը արտերկրում է գրանցված, շուրջ 29 միլիարդ դուրս են հանել: Ես ուզում եմ, որ այս օրենքով պատժվեն նախկինում ապօրինի հարստացողները : Էլ բան չկա թալանելու, մնացել է ժողովուրդն ու Սևանա լիճը»,- ասաց պատգամավորը:

Օրենքի հետադարձ ուժի վերաբերյալ նախարարը նշեց, որ ինքն ապացույցներ ու նյութեր չունի, թե ինչքան գումար է երկրից դուրս եկել: ՀՀ Սահմանադրության համաձայն խստացնող օրենքները հետադարձ ուժ չունեն: