Բարև, Տիգրանակե´րտ. Կարո Փայլանի ուշագրավ գրառումը

Թուրքիայի քրդամետ Ժողովուրդների դեմոկրատական կուսակցության հայ պատգամավոր Կարո Փայլանը, ով կրկին առաջադրվելու է որպես պատգամավորի թեկնածու, ուշագրավ գրառում է արել իր թվիթերյան էջում:

Նշենք, որ նա առաջադրվելու է նույն կուսակցության ընտրացուցակով` Դիարբեքիրից (պատմական Տիգրանակերտից)։ 

Փայլանը երեք լեզուներով`հայերենով, քրդերենով, թուրքերենով, ուշագրավ գրառում է կատարել. «Բարև, Տիգրանակե'րտ

Բարև, Ամե'դ (Դիարբեքիրի քրդական անվանումը)

Բարև, Դիարբեքի'ր

Հպարտության զգացում ունեմ, որ Դիարբեքիրից եմ առաջադրվելու` որպես պատգամավորի թեկնածու։

Հաջողություն»,- գրել է նա:

Գրառման տակ բազմաթիվ մարդիկ, այդ թվում` Հայաստանից և Թուրքիայից, հաջողություն են մաղթել Փայլանին գալիք ընտրություններում։