ՌԴ-ն երկու նոտա է հղել Ուկրաինայի ԱԳՆ-ին

Մոսկվան երկու նոտա է հղել ուկրաինական ԱԳՆ-ին` կապված РИА Новости Украина-ի լրագրողների ձերբակալության հետ: Այդ մասին հայտարարել է ՌԴ ԱԳՆ ղեկավարի տեղակալ Գրիգորի Կարասինը. հայտնում է РИА Новости-ն:

Երեկ Ուկրաինայի Անվտանգության ծառայության աշխատակիցները ներխուժել են РИА Новости-ի կիևյան գրասենյակ և խուզարկություն իրականացրել:

Ուկրաինայի անվտանգության ծառայությունը հայտարարել էր, որ հետաքննություն է իրականացնում` կապված մեդիակառույցների հետ,  որոնք գտնվում են ՌԴ-ի վերահսկողության տակ: Իրավապահները պարզել են, որ դրանք օգտագործվել են Ուկրաինայի դեմ հիբրիդային տեղեկատվական պատերազմի շրջանակում:

Բացի այդ` ձերբակալվել է РИА Новости Украина-ի ղեկավար Կիրիլ Վիշինսկին, որին կասկածում են Դոնբասի ինքնահռչակ հանրապետությանն աջակցելու և պետական դավաճանության մեջ: