Էրդողանին վիրավորելու համար ընդդիմության ղեկավարին սպառնում է ավելի քան 4 տարվա ազատազրկում

Անկարայի գլխավոր դատախազությունը պահանջել է դադարեցնել Թուրքիայի ընդդիմադիր Ժողովրդահանրապետական կուսակցության առաջնորդ Քեմալ Քըլըչդարօղլուի պատգամավորական անձեռնամխելիությունը։

Ըստ Demokrathaber-ի՝ դեռևս հունվարի 5-ին Բեշիքթաշի թաղապետարանի մոտ ունեցած ելույթի ժամանակ նա նախագահ Ռեջեփ Թայիփ Էրդողանին մեղադրել էր Թուրքիայում ահաբեկչական խմբավորում համարվող Գյուլենական համայնքի հետ կապ ունենալու համար: Դա հիմք է հանդիսացել, որ նրա դեմ հայց ներկայացվի:

Հայցի հիման վրա ընդդիմադիր գործիչը մեղադրվել է «հանրապետության նախագահին վիրավորելու» մեջ։

Պատգամավորական անձեռնմխելիության դադարեցման պահանջի բավարարման դեպքում Քըլըչդարօղլուի դեմ կարող է դատական գործ հարուցվել՝ 1 տարի 2 ամսից մինչև 4 տարի 8 ամիս ազատազրկման պահանջով։