Էրդողանին նրա իսկ խոսքերով իբր վիրավորելու համար կենթարկվի 4 տարվա ազատազրկման

Թուրքիայում նախագահի հասցեին հնչեցված իբրև թե վիրավորանքների պատճառով ազատազրկման ենթարկվելու դեպքերը օրեցօր ավելանում են:

«Ազգային շարժում» կուսակցության շենքերից մեկի պատշգամբից Էրդողանի խոսքերով պաստառ կախելու համար ընդդիմադիր կուսակցականը դատապարտվել է 4 տարվա ազատազրկման:

«Ահաբեկչական խմբավորումներին աջակցողներն աննամուս, անպատիվ են»` Էրդողանի` բազմիցս հնչեցրած այս խոսքերով ու նրա լուսանկարով պաստառի վրա չի նշվել, որ այդ տողերը պատկանում են Էրդողանին: Այնպիսի տպավորություն է ստեղծվել, թե այդ խոսքերն ուղղված են Էրդողանին:

Նման ծիծաղելի թյուրըմբռնման պատճառով Թուրքիայում մարդ կարող է 4 տարվա ազատազրկման ենթարկվել: