Քադաֆիի թարգմանիչը` Սարկոզիի նախընտրական արշավի ֆինանսավորման մասին

Լիբիայի նախկին ղեկավար Մուամար Քադաֆիի թարգմանիչ Միֆթահ Միսուրին RT հեռուստաալիքին տված հարցազրույցում պատմել է Քադաֆիի կողմից Ֆրանսիայի նախկին նախագահ Նիկոլա Սարկոզիի նախընտրական քարոզարշավի ֆինանսավորման մասին:

Միսուրիի խոսքով՝ Սարկոզին Լիբիա այցերից մեկի ժամանակ Քադաֆիին հայտնել է նախագահի պաշտոնում առաջադրվելու մտադրության մասին, և Քադաֆին խոստացել է «ամեն կերպ աջակցել նրան»:

Թարգմանիչը հաստատել է, որ Սարկոզիի նախընտրական շտաբի ներկայացուցիչները հանդիպել են լիբիացի պաշտոնյաների հետ: Ըստ նրա` կողմերը հանդիպման ժամանակ  կազմել են հատուկ փաստաթուղթ, որում տեղ էր գտել Քադաֆիից 50 մլն եվրոյի չափով աջակցություն ստանալու խնդրանքը: Սակայն, ըստ թարգմանչի, Քադաֆին այնուհետև կարգադրել է իջեցնել այդ գումարը մինչև 20 մլն եվրոյի:

Հիշեցնենք, որ Սարկոզին դատարանի վերահսկողության տակ է տվյալ գործով: