Կատարելագործել լիզինգային գործունությունը. հանձնարարական

Այսօր կառավարության նիստում վարչապետ Կարեն Կարապետյանը հանձնարարական տվեց լիզինգային գործունեության զարգացման վերաբերյալ: Վարչապետի խոսքով` ներկայումս լիզինգի ծառայություն են մատուցում մասնագիտացված երկու ընկերություններ, 31 ունիվերսալ վարկային կազմակերպություններից` 3-ը, գործող առևտրային բանկերից` 5-ը: Նման ցուցանիշը, ըստ վարչապետի, պայմանավորված է տարբեր հանգամանքներով, այդ թվում` գործող օրեմսդրության թերի կարգավորումներով: Մասնավորապես`օրենսդրությամբ կարգավորված չեն լիզինգի բոլոր տեսակները և դրանց առանձնահատկությունները, հստակ չեն պայմանագրերի վաղաժամկետ  դադարեցման ընթացակարգերը, կողմերի պարտավորությունների լիարժեք շրջանակը:

Վարչապետը հանձնարարեց տնտեսական զարգացման և ներդրումների նախարարին` մեկամսյա ժամկետում մշակել և կառավարության աշխատակազմին ներկայացնել օրենսդրական փոփխությունների առաջարկություններ` ուղղված լիզինգային գործունեության զարգացմանը` անդրադառնալով թերի օրենսդրական կարգավորումների հստակեցմանն ու կատարելագործմանը: