«Звезда» հեռուստաալիքը ջնջել է ՀՀԿ-ի մասին հաղորդման տեսանյութը

Ռուսական Звезда ալիքով հեռարձակվող «Прогнозы с Вероникой Крашенинниковой» հաղորդման շրջանակում հաղորդավարը կտրուկ քննադատության է ենթարկել Հայաստանին ԵՄ-ի հետ համաձայնագիր կնքելու մտադրության համար`համեմատելով ՀՀ իշխանության ընտրությունը Ուկրաինայի քաղաքական ուղեգծի հետ:

Ռեպորտաժում հաղորդավարն անգամ նմանություն է գտնում իշխող Հանրապետական կուսակցության զինանշանի  և Գերմանիայի Ազգային-սոցիալիստական աշխատավորական կուսակցության զինանշանի միջև:

Ուշագրավ է, որ սոցցանցերում լայն տարածում գտած տեսանյութը ջնջվել է հեռուստաալիքի յութուբյան պաշտոնական կայքից:

Yerkir. am-ը փորձեց կապ հաստատել ալիքի ղեկավարության հետ` մեկնաբանություն ստանալու համար, սակայն մեզ պատասխանեցին, որ անհրաժեշտ է գրավոր հարցում ուղարկել: