Փլուզում՝ Եղեգիսում

Հոկտեմբերի 7-ին, ժամը 09:36-ին Վայոց ձորի մարզի Եղեգիսի գյուղապետարանի աշխատակազմի քարտուղարից տեղեկություն է ստացվել, որ ս. թ. հոկտեմբերի 6-ին գյուղի 2-րդ փողոցի տներից մեկի պատը փլուզվել է:

Դեպքի վայր է մեկնել Մարզային փրկարարական վարչության օպերատիվ խումբը:

Պարզվել է, որ 1950-ական թվականներին կառուցված հողաշեն տան (մոտ 96 քմ) միջնապատը փլուզվել է (մոտ 9 քմ), առաստաղը՝ կախվել. պատերին առկա են երկայնակի և լայնակի ճաքեր:

Ստացված տեղեկությունը փոխանցվել է  մարզպետարանի քաղաքաշինության վարչության պետին և Ճգնաժամային կառավարման ազգային կենտրոնում ԿԱ քաղաքաշինության պետական կոմիտեի ներկայացուցչին: