«Վերնիսաժ»-ի մոտ վիրավորված` Ալավերդու Վահագնի դեմ երկու տարի առաջ էլ են մահափորձ իրականացրել. մանրամասներ

Yerkir.am-ին նոր մանրամասներ են հայտնի դարձել այսօր «Վերնիսաժ»-ի մոտ գտնվող «Խարբերդ» հյուրանոցի մոտ կատարված կրակահերթի հետևանքով վիրավորված` 39-ամյա Վահագն Աբգարյանի վերաբերյալ: Նա Ալավերդիում հայտնի քրեական հեղինակություն է, և փորձել են սպանել հենց նրան:

Yerkir.am-ի տեղեկություններով՝ Աբգարյանի դեմ մահափորձ է իրականացվել նաև 2 տարի առաջ՝ Ախթալայում: Մասնավորապես` 2015-ի հոկտեմբերին Ախթալայի կամրջի մոտ կրակոցներ էին արձակել Վահագն Աբգարյանի զրահապատ Hummer մակնիշի ավտոմեքենայի ուղղությամբ։ 

Ի դեպ, այսօր Աբգարյանը եղել է նույն` Hummer մակնիշի մեքենայում, որը դեռևս կայանված է «Խարբերդ» հյուրանոցի առջև:

Թե ի՞նչ կապ ունի այս դեպքը նախորդ մահափորձի հետ, դեռևս պարզ չէ: