Հայտնաբերվել է 5 ամիս առաջ Վահագնի գյուղում աղմկահարույց սպանության մեջ մեղադրվողը

Օրեր առաջ Բագրատաշենի սահմանային անցակետից բերման է ենթարկվել փետրվարի 22-ին Լոռու մարզի Վահագնի գյուղում կատարված սպանության մեջ մեղադրվող եւ ամիսներ շարունակ հետախուզման մեջ գտնվող Արմեն Կախյանը: Այս մասին Yerkir.am-ը տեղեկացավ ոստիկանությունից: Նշենք, որ 42-ամյա Կախյանը փետրվարի 22-ից ոստիկանության Գուգարքի բաժնի կողմից հետախուզվում էր` ՀՀ քրեական օրենսգրքի 104 հոդվածի (սպանություն) 1-ին մասի և 235 հոդվածի (ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելը)1-ին մասի մեղադրանքներով:

Հիշեցնենք, որ նախնական քննության տվյալներով՝ Ռուսաստանի Դաշնությունում փայտանյութ վաճառելու շուրջ առաջացած տարաձայնությունների պատճառով, կենցաղային հողի վրա Ն.Քոչինյանի հետ փետրվարի 22-ին՝ ժամը 01-ի սահմաններում, վիճաբանել է Լոռու մարզի բնակիչ Ա.Կախյանը, որի ընթացքում ապօրինի կերպով ձեռք բերած և պահած հրազեն հանդիսացող «ՏՏ» տեսակի ատրճանակով կրակել է Քոչինյանի գլխին։ Ստացած հրազենային վնասվածքից վերջինս մահացել է։ Հիշյալ դեպքից հետո էլ անհայտ անձինք հրկիզել էին Կախյանի՝ Վահագնի գյուղում գտնվող տունը:

Նշենք,  որ Վահագնի գյուղում Արմեն Կախյանի ընտանիքի 7 անդամները դաժանաբար սպանվեցին 2000թ.-ին: