Լիբանանահայ երիտասարդի ամուսնության առաջարկը՝ Բեյրութ-Երևան չվերթն իրագործող ինքնաթիռում

Լիբանանահայ երիտասարդ Ճագ Սեփիլյանը ընկերուհուն՝ Սարին Այնեճյանին ամուսնության առաջարկ է արել Բեյրութ-Երևան չվերթն իրականացնող ինքնաթիռում:

Երիտասարդը նախ ուղևորների ուշադրությունն է հրավիրել, ապա բարձրաձայն պատմել երկու տարի առաջ իր կյանքում պատահածի մասին: «Երկու տարի առաջ հայրս մահացավ Հայաստանում: Բեյրութ վերադարձի ժամանակ ծանոթացա մեկի հետ, ով փոխեց կյանքս: Սարինի հետ ծանոթանալուց հետո իմ կյանքն ամբողջությամբ փոխվեց՝ գործս զարգացավ, ֆինանսականս կայունացավ… Ասես՝ Աստված ինձ հրեշտակ ուղարկեց: Այդ իսկ պատճառով երկու տարի անց` դարձյալ նույն ամսին, մենք գնում ենք Հայաստան՝ նշելու մեր ծանոթության երկամյակը»,- ասել է նա ու, ծնկաչոք, ամուսնության առաջարկություն արել ընկերուհուն:

Մանրամասները՝ տեսանյութում: