Երևան-Բեյրութ-Երևան հատուկ չվերթը նախատեսված է օգոստոսի 3-ին

Օգոստոսի 3-ին Armenia Aircompany ավիաընկերության կողմից իրականացվելու է Երևան-Բեյրութ-Երևան հատուկ չվերթ: Այս մասին Yerkir.am-ը տեղեկանում է Լիբանանում Հայաստանի դեսպանության ֆեյսբուքյան էջից:

Հայաստան վերադառնալու ցանկություն ունեցող ՀՀ քաղաքացիները, ինչպես նաև՝ այն օտարերկրյա քաղաքացիները, որոնք ճամփորդում են ՀՀ քաղաքացի հանդիսացող ընտանիքի անդամի (ծնող, ամուսին, զավակ) հետ խնդրում ենք անձնագրային տվյալներն ուղարկել [email protected] էլ. փոստին կամ դեսպանության + 961 3 157 305 հեռախոսահամարի whatsapp հավելվածով: Ավիատոմսերը կարելի է ձեռք բերել Armenia Aircompany ընկերության գրասենյակներից: Ավիատոմսեր ձեռքբերելուն պես, քաղաքացիները, նախքան Հայաստանի Հանրապետություն մեկնելը, պետք է այցելեն ՀՀ դեսպանություն՝ ինքնամեկուսացման կանոնների վերաբերյալ համապատասխան ծանուցագիր ստանալու նպատակով:

Հիշեցնում ենք, որ Հայաստան ժամանելուն պես քաղաքացիները գտնվելու են 14-օրյա պարտադիր ինքնամեկուսացման ռեժիմում:

Լրացուցիչ պարզաբանումների համար կարելի է կապվել ՀՀ դեսպանություն՝ + 961 3 157 305 հեռախոսահամարով: