Նրանց հետ մեր շփումը լինելու է դատարանների միջոցով. Փոստանջյանն ավագանու նիստն անցկացրեց դրսում

Այսօր Երևանի ավագանու առաջին նիստն էր: Տեղեկացրել ենք, որ «Երկիր ծիրանի» կուսակցության խմբակցությունը նիստին չմասնակցեց, փոխարենը` քաղաքապետարանի առջև ամբիոն դրեցին և իրենց նիստը դրսում անցկացրեցին:

Հարցին, թե արդյո՞ք բոյկոտելու են բոլոր նիստերը և դրանք դրսում են անցկացնելու, Փոստանջյանը չպատասխանեց, միայն ասաց. «Այսօր մենք արդեն անցկացրինք մեր նիստը, մյուս բոլոր հարցերին հետո կպատասխանենք»:

Փոստանջյանը տեղեկացրեց նաև, որ «Ալեքսանդր Թամանյանի աշխատությունն իրենց աշխատանքային գիրքն է լինելու»:

Խմբակցության անդամների ձեռքին փուչիկներ էին, որոնց վրա գրված էր` ՀՀԿ: Դրանք պայթեցնելուց և Տարոն Մարգարյանի ու Սերժ Սարգսյանի նկարներով ափսեները կոտրելուց հետո միայն խմբակցության անդամները մտան քաղաքապետարան: Սակայն նրանք այդպես էլ դահլիճ չբարձրացան, այլ փորձում էին իրենց հատկացված աշխատասենյակը գտնել և քննարկել հաջորդ նիստում իրենց անելիքները:

Մանրամասները` տեսանյութում: