10 հազար աշխատատեղի ստեղծում են կանխատեսում

Այսօր լրագրողները տնտեսական զարգացման և ներդրումների նախարար Սուրեն Կարայանից հետարքրքվեցին ներդրումների մասին, թե արդյո՞ք նախընտրական քարոզարշավին խոստացած նեդրումները իրականություն կդառնան: Սուրեն Կարայանը նշեց, որ այն ինչ խոստացվել է, կամաց կամաց իրականանում է, և որ բոլոր ծրագրերը ընթացքի մեջ են: Առաջին ներդրումները, ըստ նախարարի, կլինեն վերականգնվող էներգետիկայի ոլորտում:

«Բավականաչափ ներդրումային ծրագրեր արդեն սկսել են իրականացվել , և մոտ ժամանակներս կհրապարակվի վիճակագրություն, թե որքան տեղական , որքան օտարերկրյա ներդրումներ են իրականացվել»,- ասաց նախարարը` հավելելով, որ ներդրումների ազդեցությունը մարդիկ կզգան , երբ արդեն սկսեն աշխատատեղեր ստեղծվել:

Այս տարվա համար կանխատեսում են ներդրումային ծրագրերի իրականացման արդյունքում ունենալ 10 հազար աշխատատեղ: Հարցին, թե ինչպես է գնահատում կառավարության աշխատանքը` կառավարության հրաժարականին ընդառաջ, Սուրեն Կարայանը նշեց, որ դրական է գնահատում, քանի որ դրա մասին են փաստում թվերը և վիճակագրությունը: «Իսկ իմ աշխատանքին կամ վարչապետի աշխատանքին ես գնահատական տալ չեմ պատրաստվում»- ասաց Սուրեն Կարայանը: