Տոսկանայում կառնավալի ժամանակ տուժել է յոթ մարդ

Տոսկանայի Ֆոլոնիկա քաղաքում տոնի ժամանակ բազմության վրա է ընկել վիթխարի կառնավալային քանդակը, տուժել Է յոթ մարդ: Միջադեպը տեղի է ունեցել կիրակի ավանդական կառանավալի ընթացքում: 10 մետրանոց քանդակը պատկերում էր Իտալիայի նախկին վարչապետ Մատեո Ռենցիին, որ բռնել էր կառավարության ներկայիս ղեկավար Պաոլո Ջենտիլոնիի դեմքով դիմակը, հայտնում է РИА Нօвости-ն:

Տեսանկարահանման կադրերում երևում է, թե ինչպես է շարժվող քանդակն ընկնում կուտակված մարդկանց մեջ: Ինչպես նշել է Corriere della Sera հրատարակությունը, պատահարի վայր ժամանած փրկարարները հոսպիտալացրել են հինգ հոգու:

Առավել տուժել է 4-ամյա մի աղջնակ և 71-ամյա մի տղամարդ, որը մնացել էր քանդակի տակ: Նրան հիվանդանոց են ուղարկել ուղղաթիռով: