Էրդողանը հանդիպել է Թուրքիային «իսլամիստ տոտալիտար բռնապետություն» անվանած ԱՄՆ ԿՀՎ ղեկավարի հետ

Թուրքիայի նախագահ Ռեջեփ Թայիփ Էրդողանն ու երկրի արտաքին հետախուզության ղեկավար Հաքան Ֆիդանը նախագահական նստավայրում հանդիպել են ԱՄՆ Կենտրոնական հետախուզության վարչության ղեկավար Մայք Փոմփեոյի հետ:

Ըստ Demokrathaber-ի՝ Փոմփեոն, որպես Կենտրոնական հետախուզության վարչության ղեկավար, առաջին այցը արտերկիր կատարել է Թուրքիա:

Թեև այցի մասին մանրամասներ չեն հաղորդվում, սակայն կայքը հիշեցրել է, որ Փոմփեոն Թուրքիայում հուլիսի 15-ին ռազմական հեղաշրջմա փորձից հետո իր Twitter-յան էջում Թուրքիային որակել էր «իսլամիստ տոտալիտար բռնապետություն», որից հետո հեռացրել էր իր գրառումն ու ապաակտիվացրել իր  Twitter-յան էջը: