Կոստա Ռիկայում ժայթքել է Տուրիալբա հրաբուխը

Կոստա Ռիկայի մեծ մասում, ինչպես նաև մայրաքաղաք Սան Խոսեում, արտակարգ դրություն է հայտարարվել  երկրի խոշորագույն հրաբուխներից մեկի պարբերաբար կրկնվող ժայթքումների պատճառով:

Ինչպես հայտնում է The Independent-ը` մեջբերելով երկրի Արտակարգ իրավիճակների պետական հանձնաժողովի հայտարարությունը, մի քանի օր շարունակ Տուրիալբա հրաբխից շարունակաբար ժայթքումներ են տեղի ունենում, որի ընթացքում մոխրի հաստ շերտեր են արտանետվում:

Արտակարգ դրությունը հայտարարվել է, երբ Տուրիալբայի ժայթքումների հետևանքով մեկ օրով երկրում հետաձգվել են բոլոր միջազգային թռիչքները:

Արտակարգ իրավիճակների պետական հանձնաժողովը վտանգի կանաչ աստիճան է հայտարարել երկրի բնակելի տարածքի 70 տոկոսում: 

Տուրիալբան 3340 մետր բարձրություն ունի և ձգվում է 300 կմ տարածությամբ: 2014-ին այն մոխիր էր ժայթքել5.8 կմ երկարությամբ բարձրությամբ, որը հրաբխի ամենամեծ ժայթքումն էր 1866-ից ի վեր: