Վարչապետը հանձնարարեց ամփոփել բոլոր հանձնարարականները

Այսօր` կառավարության նիստից առաջ, վարչապետ Կարեն Կարապետյանը հանձնարարեց գործադիրի բոլոր մարմիններին` ամփոփել հանձնարարականները, որոնք հնչել են կառավարության նիստերի ընթացքում և մինչև տարեվերջ ավարտել այդ հանձնարարականների կատարումը:

Կարեն Կարապետյանը հանձնարարեց պատրաստել նյութեր` հունվարի ամսին հաշվետվություններ, ծրագրերն ու առաջնահերթությունները ներկայացնելու համար` կոնկրետ պատասխանատուներով: Նաև հանձնարարեց տարածքային կառավարման և զարգացման նախարար Դավիթ Լոքյանին` ավարտել մարզերի անձնագրերի ձևավորումը, կոորդինացնել մարզպետերի հետ աշխատանքը` համայնքների բյուջեների համեմատությամբ ու վերլուծությամբ:

 «Երկու օր առաջ Արարատի ու Վայոց ձորի մարզեր կատարած այցերի ժամանակ համեմատություններ արվեցին`  համայնքների բյուջեների, բնակչության թվի հետ կապված, ինչը  լուրջ ինֆորմացիա է տալիս, որի հիման վրա կարող ենք կանխատեսումներ անել` բյուջեների հետ կապված: Յուրաքնաչյուր համայնքի  բյուջե պետք է վերլուծվի, համեմատվի, անհամամասնությունները վեր հանվեն»,- ասաց Կարեն Կարապետյանը: