Դիարբեքիրի 6 գյուղում պարետային ժամ է հայտարարվել

Նոյեմբերի 28-ից սկսած` ներկայիս Թուրքիայի տարածքում գտնվող հայկական Տիգրանակերտ (Դիարբեքիր) նահանգի Սիլվան շրջանի 6 գյուղերում պարետային ժամ է հայտարարվել:

Ըստ CNNturk-ի՝ այդ մասին տեղեկացնող հայտարարության մեջ նշվել է, որ պարետային ժամ հայտարարվել է Սուսսուզ, Գյունդուզքյոյ, Էսքիքյոյ, Օթլուք, Ուչբասամաք և Քարահաջը գյուղերում:

Հայտարարության մեջ նշվել է նաև, որ նման որոշում է կայացվել Քուրդիստանի բանվորական կուսակցության զինյալների դեմ գործողություններ իրականացնելու, ինչպես նաև շրջանի անվտանգությունը ապահովելու նպատակով:

Պարետային ժամը կշարունակվի այնքան ժամանակ, մինչև շրջանի ղեկավարության կողմից հավելյալ ծանուցում լինի: