Թաիլանդում հայտարարվել է պարետային ժամ

Թաիլանդի ողջ տարածքում ժամը 22:00-ից 5:00-ն գործելու է պարետային ժամ: Որոշումն ընդունվել է այսօր՝ այն բանից հետո, երբ երկրում իշխանությունն անցել է զինվորականների ձեռքը: Այս մասին հայտնում է lenta.ru-ն:

«Պարետային ժամը մտցվել է անորոշ ժամանակով և չեղյալ կհայտարարվի, երբ հաստատվեն կարգուկանոն և խաղաղություն»,- հեռուստաուղերձում հայտարարել է Թաիլանդի բանակի հրամանատար, գեներալ Պրայուտ Չան Օչան:

Հիշեցնենք, որ Թաիլանդի բանակը ռազմական հեղաշրջում է իրականացրել երկրում՝ հեռացնելով ժամանակավոր իշխանությանը: Գեներալ Պրայուտ Չան Օչան հանդիպում է անցկացրել ընդդիմադիր ուժերի ղեկավարների հետ: Հանդիպումից հետո գեներալը հրամայել է ձերբակալել հանդիպման բոլոր մասնակցիներին, քանի որ հետագա բանակցություններն իմաստ չունեն: Րոպեներ անց նա հեռուստաեթերում հայտարարել է ռազմական հեղաշրջան մասին:

Զինվորականները Թաիլանդում արգելել են բոլոր հեռուստաընկերությունների հեռարձակումը, բացի զինված ուժերի հեռուստա- և ռադիոծառայությունից: