Ինչն ազգային է, պետք է ողջունենք. Սեյրան Սարոյանը՝ բանակի համար ստեղծվելիք հիմնադրամի մասին

ՀՀԿ խմբակցության պատգամավոր, գեներալ Սեյրան Սարոյանն այսօր խորհրդարանում անդրադարձավ վերջին օրերին սահմանին տիրող լարվածությանը և ընդգծեց, որ հակառակորդից այլ բան ակնկալել չի էլ կարելի: «Բա թուրքից ի՞նչ եք սպասում»,- ասաց նա:

Խոսելով կառավարության կողմից ներկայացված` 1000 դրամներ հավաքելու` աղմուկ հանած նախագծին` Սարոյանը հորդորեց սպասել` մինչ նախագիծը քննարկվի խորհրդարանում: «Անպայման կխոսամ, կասեմ, սպասեք»,- ասաց նա:

Հարցին՝ գաղափարը ողջունո՞ւմ եք, Սարոյանը պատասխանեց. «Իհարկե, ինչն ազգային է, պետք է ողջունենք»:

Մյուս հարցին՝ հարուստներն էլ, աղքատներն էլ պետք է հազար դրա՞մ վճարեն, պատասխանեց. «Այ մարդ, է, նրանք էլ թող շատ տան, նրանք էլ: Հլը թող քննարկենք, հետո կերևա»: