ԱԻՆ նոր մասնաշենքը շահագործման կհանձնվի այս տարի

Վարչապետ Հովիկ Աբրահամյանն այցելել է ՀՀ արտակարգ իրավիճակների նախարարություն, որտեղ ԱԻ նախարար Արմեն Երիցյանը կառավարության ղեկավարին է ներկայացրել նոր մասնաշենքի վերակառուցման աշխատանքների ընթացքը: 

Վարչապետին զեկուցվել է, որ նախատեսված ժամանակացույցի համապատասխան, նորագույն տեխնոլոգիաների կիրառմամբ շինաշխատանքների մեծ մասն արդեն իսկ իրականացվել է, ներկայում ավարտին են հասցվում ներքին հարդարման աշխատանքները: Նոր մասնաշենքն ունենալու է 4 հազար քմ աշխատանքային տարածք, որտեղ կտեղակայվեն գերատեսչության տարբեր ստորաբաժանումներ: Նախատեսվում է շենքը շահագործման հանձնել ընթացիկ տարում: Ծրագրի իրականացման նպատակով ներդրվել է շուրջ մեկ միլիարդ դրամ: 

Շրջայցից հետո կայացած խորհրդակցության ընթացքում վարչապետ Աբրահամյանը կարևորել է շինաշխատանքների որակյալ իրականացումը և վստահություն հայտնել, որ ստեղծվող պայմաններն ԱԻՆ աշխատանքներն առավել արդյունավետ կդարձնեն: Կառավարության ղեկավարը պատասխանատուներին համապատասխան հանձնարարականներ է տվել: