Գերմանիայի ամենամեծ մեդիա հոլդինգի ղեկավարի դեմ Էրդողանի դատական հայցը մերժվել է

Գերմանական դատարանը մերժել է Թուրքիայի նախագահ Ռեջեփ Թայիփ Էրդողանի հայցն ընդդեմ Գերմանիայում գործող ամենամեծ` Axel Springer մեդիա հոլդինգի ղեկավար Մատիաս Դյոփների. տեղեկացնում է Ermenihaber-ը:

Թուրքական Internethaber լրատվական կայքը նշում է, որ դատական հայց ներկայացնելու պատճառ էր հանդիսացել այն, որ Դյոփները աջակցություն էր ցուցաբերել նախկինում Էրդողանի մասին ծաղրական բանաստեղծություն հեղինակած և ընթերցած երգիծաբան Յան Բյոհմերմանին: Այդ բանաստեղծությունը հնչել էր գերմանական ZDE հեռուստաալիքի Neo Magazin Royale հաղորդաշարի եթերում:

Հիշեցնենք, որ առաջին հայցը մերժվել էր, և մեղադրող կողմը ներկայացրել էր վերաքննիչ բողոք, բայց վերաքննիչ դատարանի մերժման արդյունքում, փաստորեն, երկրորդ անգամ չի բավարարվում Էրդողանի հայցը: