Նախագահները որոշ հարցերի շուրջ համաձայնության են եկել. մանրամասներ եռակողմ հանդիպումից

Ռուսաստանի, Հայաստանի եւ Ադրբեջանի նախագահները  իրենց հավատարմությունն են հայտնել  ԼՂ շփման գծում  իրավիճակի կայունացմանը եւ համաձայնել են  ավելացնել ԵԱՀԿ դիտորդների թիվը. լրագողներին նախագահների եռակողմ հանդիպումից հետո ասել է ՌԴ ԱԳՆ Սերգեյ Լավրովը:

Նա նաեւ ասել է, որ հանդիպման արդյունքում եռակողմ հայտարարություն է ընդունվել:

Եռակողմ հայտարարության մեջ նշվում է, որ նախագահները պայմանավորվել են շարունակական դարձնել նման ձեւաչափով հանդիպումները` ի հավելումն  Մինսկի խմբի աշխատանքի:
Վլադիմիր Պուտինը, Սերժ Սարգսյանը եւ Իլհամ Ալիեւը մի շարք հարցերի շուրջ փոխհամաձայնության են եկել, ինչը կնպաստի կարգավորման առաջընթացին, ասվում է հայտարարության տեքստում. հայտնում է «ՌԻԱ Նովոստին»: