1 միլիոն 940 հազար դրամ`Չեռնոբիլյան վթարին նվիրված միջոցառումների անցկացման համար

Կառավարության այս շաբաթվա նիստի օրակարգում աշխատանքի և սոցիալական հարցերի նախարարությունը ներառել է որոշում` 2016 թվականի պետական բյուջեում վերաբաշխում կատարելու մասին, ինչպես նաև «Վետերանների միավորում» և «Չեռնոբիլ ասոցիացիա» հասարակական կազմակերպություններին ֆինանսական օժանդակություն ցուցաբերելու մասին:

 «Վետերանների միավորում» հասարակական կազմակերպությունում հաշվառված Հայրենական մեծ պատերազմի 50 վետերանի հանգստի կազմակերպման ու առողջության վերականգնման և  «Չեռնոբիլ ասոցիացիա» հասարակական կազմակերպության կողմից Չեռնոբիլի ատոմային էլեկտրոկայանի վթարի 30-րդ տարելիցին նվիրված միջոցառումների անցկացման նպատակով աշխատանքի և սոցիալական հարցերի նախարարությանը 2016 թվականի պետական բյուջեով նախատեսված` կառավարության պահուստային ֆոնդից 2016 թվականի առաջին կիսամյակում հատկացնել 7 միլիոն 940  հազար դրամ, որից 6 միլիոն դրամը «Վետերանների միավորում» հասարակական կազմակերպությունում հաշվառված Հայրենական մեծ պատերազմի 50 վետերանի հանգստի կազմակերպման և առողջության վերականգնման նպատակով նվիրատվության համար, և  1 միլիոն 940 հազար դրամը Չեռնոբիլի ատոմային էլեկտրոկայանի վթարի 30-րդ տարելիցին նվիրված միջոցառումների անցկացման նպատակով նվիրատվության պայմանագրով հատկացնել Հայաստանի «Չեռնոբիլ ասոցիացիա» հասարակական կազմակերպությանը»,- ասվում է որոշման մեջ: