Ռուսաստանն իրեն անլուրջ պետության պես է պահում. Էրդողանի մամուլի քարտուղար

Ռուսաստանն իրեն «անլուրջ պետության»  պես է պահում՝ շեշտը դնելով «անիմաստ քարոզչության,չարդարացված մեղադրանքների ու ստի վրա»: Այդպես է կարծում Թուրքիայի նախագահ Ռեջեբ Թայիփ Էրդողանի մամուլի քարտուղար Իբրահիմ Քալընը: Վերջինս այսպես է արձագանքել այն բանից հետո, երբ Էրդողանը անհաջող փորձեր արեց հեռախոսով կապվել ՌԴ նախագահ Վլադիմիր Պուտինի հետ: Այս մասին հաղորդում է «Ռամբլեր Նյուզ» ծառայությունը:

Հիշեցնենք, որ Անադոլու գործակալության հաղորդմամբ, երբ «ռուսաստանը հերթական անգամ խախտել է Թուրքիայի օդային տարածքը», Էրդողանը փորձել է «հեռախոսով կապվել Պուտինի հետ, սակայն ռուսական կողմը չի արձագանքում»: