Հայաստանն իրեն շփացած երեխայի պես է պահում. թուրքական միության նախագահ

Թուրքական Հայկական պնդումների դեմ պայքարի միության նախագահ Գյոքսել Գյուլբայը հանդես է եկել հակահայկական հերթական հայտարարություններով:

Ըստ Haberler-ի՝ գնահատելով հայ-ադրբեջանական սահմանին տիրող իրավիճակը՝ միության նախագահը չի վարանել զրպարտել Հայաստանին հրադադարի պայմանագիրը խախտելու մեջ:

«Երկու երկրների միջև կնքված հրադադարի պայմանագիրը բազմիցս խախտած Հայսատանը, ստանալով արտաքին ուժերի օժանդակությունը, հարձակվում է իր հարևանների վրա՝ լինելով տարածաշրջանի «շփացած երեխան»: Սակայն միջազգային հանրության աչքին նա շարունակում է մնալ որպես անմեղ երկիր»,- ասել է նա:

Գյուլբայը նշել է, որ Հայաստանի «խախտած» հրադադարի արդյունքում զոհվում են ադրբեջանցի զինվորներ: Այդ դեպքում անտեղի չէր լինի մեր հարցը՝ այդ ինչո՞ւ վերջին օրերին ադրբեջանական ոչ մի ԶԼՄ այդպես էլ չտեղեկացրեց ենթադրյալ զոհերի մասին: