WikiLeaks-ի հիմնադիր Ասանժը մամուլի ասուլիս կտա. РИА Новости

WikiLeaks սկանդալային կայքի հիմնադիր Ջուլիան Ասանժը տեսակապի միջոցով մամուլի ասուլիս կտա Մեծ Բրիտանիայում Էկվադորի դեսպանատնից՝  ՄԱԿ-ի աշխատանքային խմբի` իր օգտին կայացված որոշման կապակցությամբ: Այդ մասին, իր աղբյուրներին հղումով, հայտնում է РИА Новости-ն: Ասուլիսը նախատեսված է այսօր:

ՄԱԿ-ը կոչ էր արել դադարեցնել Ասանժի նկատմամբ հետապնդումը:

Հիշեցնենք, որ Ասանժը թաքնվում է Լոնդոնում Էկվադորի դեսպանատանը 2012-ի հունիսից՝ Շվեդիա արտահանձնումից խուսափելու համար: Ասանժին մեղադրում են բռնաբարության մեջ, սակայն նա իր մեղքը չի ընդունում: Wikileaks-ը զբաղվում էր հիմնականում ԱՄՆ պետդեպարտամենտի գաղտնի փաստաթղթերի հրապարակմամբ: