Կառավարությունը կփոխհատուցի Տավուշի մարզի սահմանամերձ Այգեհովիտի գյուղացիների կրած վնասը

Այսօր կառավարության նիստում գյուղատնտեսության նախարար Սերգո Կարապետյանը ներկայացրեց որոշման նախագիծ, որով նախատեսվում է գումար հատկացնել գյուղատնտեսության նախարարությանը, իսկ որոշումը վերաբերում է Տավուշի մարզին. սահմանամերձ Այգեհովիտ համայնքում կրակահերթերի պատճառով խաղողի բերքահավաք չի կազմակերպվել, և խաղողը փչացել է: Պահուստային ֆոնդից գումար պետք է հատկացվի՝ վնասի չափը փոխհատուցելու համար:

Վարչապետը հավելեց, որ սահմանապահ համայնքները գտնվում են կառավարության ուշադրության ներքո, և քանի որ սահմանային լարվածության պատճառով հնարավոր չի եղել իրականացնել խաղողի բերքահավաք, պահուստային ֆոնդից կփոխհատուցեն բերքի արժեքը: