Թուրքիան հաշվարկել է անկարգություններից կրած վնասը

Թուրքիայի տարբեր քաղաքներում անցկացված զանգվածային բողոքի ակցիաների պատճառած վնասը 38 մլն դոլարի կարգի է: Ստամբուլի, Անկարայի, Իզմիրի եւ այլ քաղաքների կենտրոնական թաղամասերում, որտեղ դաժան բախումներ են եղել ոստիկանների եւ ցուցարարների միջեւ, կոտրվել են կանգառներ, գովազդային վահանակներ, խանութների ցուցափեղկեր, նստարաններ, մայթերի դեկարատիվ զարդանախշեր եւ այլն. տեղեկացնում է РИА Новости-ն:

«Անկարգությունների ընթացքում վնասվել են 280 գրասենյակ եւ խանութ,  պետական 6 հաստատություն, 106 ոստիկանական եւ 207 մասնավոր ավտոմեքենաներ, իշխող «Արդարություն եւ զարգացում» կուսկացությանը պատկանող 11 շենք»,- հայտնել է Թուրքիայի ՆԳ նախարար Մուամեր Գյուլերը: Ըստ նրա` երկրի 81 նահանգներից 77-ում արդեն 603 ցույց է տեղի ունեցել: