Թուրքիան չի հրաժարվի ռուսական գազից

Թուրքիան մտադիր չէ հրաժարվել ռուսական գազից, քանի որ Անկարան և Մոսկվան խնդիրներ չունեն էներգետիկ ոլորտում համագործակցության հետ կապված:Այդ մասին հայտարարել է Թուրքիայի էներգետիկայի և բնական պաշարների նախարար Ալի Ռիզա Ալաբոյունը. հայտնում  է РИА Новости-ն։

«Պետք է իմանալ, որ մենք Ռուսաստանի հետ խնդիրներ չունենք էներգետիկ ոլորտում: Ռուսաստանը մեզ համար լավ մատակարար է, իսկ մենք նրա համար՝ լավ գնորդներ, գազի մոտ 60 %-ը մենք ստանում ենք ՌԴ-ից: Մենք ոչ մի դեպքում չենք պատրաստվում հրաժարվել ռուսական գազից: Անգամ եթե կան ինչ-որ հարցեր, մենք կգտնենք դրանց լուծման ուղիները»,- ասել է նախարարը։

Հիշեցնենք, որ ավելի վաղ Թուրքիայի նախագահը սպառնացել էր, որ Թուրքիան կհրաժարվի ռուսական գազից՝ Սիրիայում շուրջ ստեղծված իրավիճակի հետ կապված: