Թուրքիան չի հրաժարվի Միջերկրական ծովում իր ծրագրերից. Էրդողան

Թուրքիան կշարունակի իրագործել իր ծրագրերը Արևելյան Միջերկրական ծովում ինչպես «դաշտում», այնպես էլ դիվանագիտության ոլորտում, քանի դեռ այս հարցում գերակշռում է ողջախոհությունը: Այս մասին հայտարարել է Թուրքիայի նախագահ Ռեջեփ Թայիփ Էրդողանը՝ երկրի նախարարների կաբինետի նիստից հետո կայացած մամուլի ասուլիսում. հայտնում է Anadolu- ն:

Միևնույն ժամանակ, Թուրքիայի ղեկավարը շեշտել է, որ Անկարան միշտ պատրաստ է երկխոսության և հավասար հիմունքներով լուծել Արևելյան Միջերկրական ծովում առկա տարաձայնությունները:

Ըստ Էրդողանի՝ միջերկրածովյան երկրները պետք է մշակեն այնպիսի բանաձև, որը ընդունելի կլինի բոլոր կողմերի համար և պաշտպանի դրանցից յուրաքանչյուրի իրավունքները: