Ինչու ՕԵԿ-ականների մի մասը դեմ քվեարկեց, մյուս մասը՝ կողմ

ՕԵԿ-ական պատգամավոր Հովհաննես Մարգարյանը Yerkir.am-ի հետ զրույցում անդրադարձավ սահմանադրական բարեփոխումների նախագծի քվեարկությանը:

Հիշեցնենք, որ երեկ` նախագծի քվեարկության ժամանակ, ՕԵԿ-ական պատգամավորների մի մասը քվեարկել էր «ձեռնպահ», մյուս մասը` «դեմ»:

Մարգարյանի խոսքով` իրենք չեն կարող մի փաստաթղթի օգտին քվեարկել, որում ներառված չեն իրենց կարևորագույն առաջարկները:

«Մենք չենք կարող կողմ քվեարկել մի փաստաթղթի, որի դրույթների հետ ոչ ամբողջությամբ ենք համաձայն: Իհարկե, կոնցեպտուալ առումով, որոշ առաջարկներ հաշվի առնվել են, բայց ոչ բոլորը, որոնք կարևոր էին մեզ համար: Մենք որոշեցինք այդպես վարվել, քանի որ կարևոր առաջարկները, որոնք վերաբերում են անվտանգության խորհրդին, գլխավոր հրամանատարի հարցին մեր սրտով չեն»,- ասաց Մարգարյանը և հավելեց. «Այս փաստաթղթով հնարավոր չի լինի խոսել հավասարակշռման, բալանսավորման մասին: Մենք որոշեցինք ազատ քվեարկել: Միայն խմբակցությունում որոշում կայացվեց, որ չենք կարող կողմ քվեարկել, իսկ քվեարկելու ընտրությունը մնաց պատգամավորներին»: