ԱՄՆ պետդեպը կոչ է արել ազատ արձակել Խադիջա Իսմայլովային

ԱՄՆ-ն խորապես անհանգստացած է ադրբեջանական դատարանի վճռից, որով ադրբեջանցի ընդդիմադիր լրագրող Խադիջա Իսմայլովան 7,5 տարվա ազատազրկման է դատապարտվել. հայտնում է haqqin.az-ը`վկայակոչելով  Պետդեպի տարածած հաղորդագրությունը:

 «Մենք նաև անհանգստացած ենք քննության և դատավարության ընթացքում գրանցված խախտումների, այդ թվում՝ վկաների ցուցմունքները հանելու ու այլ հիմնական փաստերի պատճառով: Այս դեպքը  Ադրբեջանում մարդու իրավունքների սահմանափակումների, այդ թվում՝ մամուլի ազատության սահմանափակման լայն դրսեւորման ևս մի ապացույց դարձավ»,-ասված է  հաղորդագրության մեջ:

ԱՄՆ-ն Ադրբեջանի իշխանություններին կոչ է արել ազատ արձակել Իսմայլովային և այլ կալանավորների: