Գերմանական համալսարանն արգելել է Հայոց ցեղասպանությանը հակասող տեսակետների քննարկումը

Գերմանիայի Դուիզբուրգ-էսսեն պետական համալսարանը որոշում է կայացրել արգելել Հայոց Ցեղասպանության իրողությանը հակասող տեսակետների քննարկումը.տեղեկացնում է թուրքական Songundem-ը՝ որոշումը սկանդալային որակելով:

Որոշումից հետո «Խաղաղության և երկխոսության» միությունը բողոքի արշավ է նախաձեռնել՝ համալսարանից բաց նիստի կազմակերպում և հարցի քննարկում պահանջելով: Համալսարանը, սակայն, չի թույլատրել, ինչից հետո միությունն այդ կապակցությամբ բանաձև է ներկայացրել համալսարանի ղեկավարությանը, ինչը նույնպես չի ընդունվել:

Նրանք փորձել են համալսարանի հանրակացարաններում թռուցիկներ բաժնել և այդ կերպ ներկայացնել այդ հարցում իրենց դիրքորոշումը, սակայն ոստիկանությունը հանրակացարան է ժամանել և արգելել ցրել դրանք: