Հայտնի էքստրասենսի սպանության փաստով քրգործ է հարուցվել

Արդեն հայտնել ենք, որ երեկ իր բնակարանում սուր կտրող–ծակող գործիքից ստացած վնասվածներից մահացել է «6-րդ Զգայարան» հաղորդաշարի էքստրասենս 53-ամյա Անի Մաջնումյանը: Կնոջ դիակը հայտնաբերել են փրկարարներն, ովքեր սպանվածի բնակարան են գնացել հարազատների ահազանգով:

Yerkir.am-ին ՀՀ քննչական կոմիտեից հայտնեցին, որ դեպքի առթիվ ՀՀ քննչական կոմիտեում հարուցվել է քրեական գործ ՀՀ քր-օրի 104 հոդվածի 1-ին մասի հատկանիշներով(սպանությունը):

Նշենք, որ Անի Մաջնումյանն  ամուսանացած չէր, բնակվում էր միայնակ: Նրա տունն ամբողջությամբ տակնուվրա է արված եղել և այժմ քննիչները հարազատների օգնությամբ փորձում են պարզել արդյո՞ք բնակարանից գողություն կատարվել է, թե՝ ոչ:

Ոստիկանությունն ու քննչական բաժինը ձեռնարկում են օպերատիվ հետախուզական և քննչական համատեղ գործողություններ հանցագործությունը կատարած անձին կամ անձանց հայտնաբերելու ուղղությամբ: