Երեք երիտասարդի դանակահարության փաստով քրգործ է հարուցվել

Երեկ Մալականի այգուն հարակից Հրազդանի կիրճում երեք երիտասարդի դանակահարության փաստի կապակցությամբ ՀՀ քննչական կոմիտեում հարուցվել է քրեական գործ` ՀՀ քրեական օրենսգրքի 112-րդ հոդվածի 1-ին մասի (դիտավորությամբ առողջությանը ծանր վնաս պատճառելը) հատկանիշներով: Այս մասին Yerkir.am-ին հայտնեցին քննչական կոմիտեից:

Ձեռնարկվում են օպերատիվ-հետախուզական միջոցառումներ կասկածյալին հայտնաբերելու ուղղությամբ: Նշենք, որ երեկ «ձախ ազդրի կտրած-ծակած վերք» ախտորոշմամբ հիվանդանոց էր տեղափոխվել Երևանի բնակիչ` 21-ամյա Հարություն Հայրապետյանը, նաև` նույն հասցեի բնակիչ` 22-ամյա Վան Հայրապետյանը, ով ստացել էր ձախ կրծքավանդակի և վերին վերջույթի կտրած-ծակած վերքեր, 21-ամյա Գոռ Իսպիրյանը, ով հիվանդանոց է տեղափոխվել «որովայնի առաջնային պատի կտրած-ծակած վերք» ախտորոշմամբ։