Ստամբուլում գիշերում են հայկական գերեզմանատան վրա կառուցված հյուրանոցներում. թուրքական Aksam

Երեկ թուրքական «Աքշամ» թերթը ուշագրավ հոդված է հրապարակել. գրում է Yerakouyn-ը:

Թերթը նշել է, որ Պոլսի «Hilton» ու «Divan» հյուրանոցները, որոնք գովազդվում են համացանցում, իրականում հիմնված են հայկական 400 տարվա գերեզմանատան տարածքում:

«Այսօր աշխարհի տարբեր երկրներից զանազան զբոսաշրջիկներ, նաեւ` հայեր, գոհունակությամբ են գիշերում այս հյուրանոցներում՝ չիմանալով, որ գիշերելով այնտեղ, իրականում պառկում են տասնյակհազարավոր հայերի դագաղների ու մարմինների վրա»,- գրել է թերթը:

Թերթն այնուհետեւ պատմական տեղեկություններ է հաղորդել այդ ընդարձակ գերեզմանատան մասին, որը պատկանել է Սուրբ Հակոբ հիվանդանոցին:  1930-ին քաղաքապետարանը բռնագրավել է այդ հողատարածքը, որից հետո թալանի են ենթարկվել պատմական իրերն ու շիրմաքարերը: