Օսմանյան կայսրության կողմից կողոպտված այս հնագույն սրբավայրը պետք է վերադարձվի իր օրինական տերերին. Ադամ Շիֆ

ԱՄՆ Կոնգրեսի Ներկայացուցիչների պալատի անդամ Ադամ Շիֆը ողջունել է Մեծի Տանն Կիլիկիո կաթողիկոսության կողմից Սիսի կաթողիկոսարանի վերադարձը պահանջող հայցը, որը ներկայացվելու է Թուրքիայի Սահմանադրական դատարան. տեղեկացնում է Asbarez-ը:

Այս մասին հայտարարությամբ հանդես եկած Շիֆն ասել է. «Ես ողջունում եմ թուրքական դատարան ներկայացված հայցը՝ Կիլիկիո կաթողիկոսության կողմից Սիսի կաթողիկոսարանի վերադարձը պահանջող, որն առգրավվել էր Հայոց ցեղասպանության ժամանակ: Օսմանյան կայսրության կողմից կողոպտված այս հնագույն սրբավայրը գրեթե մեկ դար անց պետք է վերադարձվի իր օրինական տերերին: Հայերն իրավացի են` հետամուտ լինել բոլոր իրավական հնարավորություններին՝ ձեռք բերելու արդարությունն ու ձգտելու նրան, ինչն իրավացիորեն իրենցն է»:


Հիշեցնենք, որՍիսի կաթողիկոսարանն ու դրան կից վանքն ու եկեղեցին բռնագրավվել էին Հայոց ցեղասպանության ժամանակ: