Freedom House-ի զեկույցում Թուրքիան դարձյալ հայտնվել է ոչ ազատ մամուլ ունեցող երկրների ցուցակում

Freedom House իրավապաշտպան կազմակերպությունը հրապարակել է աշխարհում մամուլի ազատության վարկանիշը, որում Թուրքիան ոչ ազատ մամուլ ունեցող երկրների ցուցակում է` թե’ համացանցի, թե’ քաղաքական և թե’ տնտեսական ենթաբաժիններում. տեղեկացնում է Taraf-ը:

Freedom House-ը հայտնել է, որ այս տարի Թուրքիայի մասով զեկույցը պատրաստելիս հանդիպել են սահմանափակումների` լրագրողների՝ կոռուպցիայի և Ազգային հետախուզության վարչության վերաբերյալ լուրերի առնչությամբ:

Զեկույցում առանձնահատուկ ուշադրություն է դարձվել Թուրքիայում բարձրաստիճան պաշտոնյաներին, գլխավորապես՝ Էրդողանին, որի խոսքում գերակշռել են հարձակողականությունը և  մարդկանց թիրախ ընտրելը:

Freedom House-ը հիշեցրել է նաև Սոմայի հանքում 301 հանքափորի զոհվելու փաստը լուսաբանելու սահմանափակումների մասին: