ԱՄՆ-ը Ղրիմի բնակիչներին թույլատրել է հաշվեհամարներ բացել ամերիկյան բանկերում

ԱՄՆ ֆինանսների նախարարությունը թույլատրել է իր քաղաքացիներին և բանկերին Ղրիմի հետ մասնավոր գործարքներ կատարել. գրում է Лента.ру-ն: Այդ մասին ասված է հունվարի 30-ին ԱՄՆ ֆինանսների նախարարության կայքում տեղադրված հաղորդագրության մեջ:

Արգելքի չեղարկումը վերաբերում է Ղրիմ կամ Ղրիմից անձնական փոխանցումներին: Սակայն արգելքի տակ են շարունակում մնալ առևտրային փոխանցումները և բարեգործական նվիրատվությունները: Նաև ԱՄՆ քաղաքացիներին թույլ է տրվում առձեռն գումարներ փոխանցել Ղրիմի քաղաքացիներին, ովքեր ներառված չեն  պատժամիջոցների ցուցակներում:

ԱՄՆ բանկերին թույլատրվում է բացել և պահել Ղրիմի բնակիչների հաշիվներն այն դեպքում, եթե դրանք չեն օգտագործվում բիզնես վարելու նպատակով: