Պուտինը կարգադրել է հումանիտար միջանցք բացել Արևելյան Ղուտայից բնակիչներին տարհանելու համար

ՌԴ ՊՆ ղեկավար Սերգեյ Շոյգուն հայտարարել է, որ փետրվարի 27-ին հումանիտար միջանցքներ կբացվեն Դամասկոսի արվարձան Արևելյան Ղուտայից բնակիչներին տարհանելու համար: Դա կարվի ՌԴ նախագահ Վլադիմիր Պուտինի կարգադրությամբ. հայտնում է vedomosti.ru-ն: 

Շոյգուն, խոսելով Պուտինի կարգադրության մասին, մանրամասնել է, որ 5-ժամյա հրադադարի ռեժիմը պետք է հաստատվի առավոտյան 9-ից մինչև ցերեկվա 14։00-ն:

Նշենք, որ արևմտյան լրատվամիջոցները հայտնում են, որ Արևելյան Ղուտայի  Ալ Շիֆունյահ  գյուղում քիմիական հարձակում է իրականացվել, կան բազմաթիվ տուժածներ: Արևմտյան լրատվամիջոցների պնդմամբ՝ հարձակումն իրականացվել է նախագահ Բաշար ալ Ասադի զորքերի կողմից: