Թուրքերը Հայոց ցեղասպանության մասին` Օլանդի կոչը որակել են «լկտի»

Ֆրանսիայի նախագահ Ֆրանսուա Օլանդը Ֆրանսիայի հայկական կազմակերպությունները համակարգող խորհրդի ամենամյա ճաշկերույթի ժամանակ ասել է, որ մոտակա ապրիլի 24-ին Ֆրանսիայի ժողովրդի անունից կժամանի Երևան:

Նշելով, որ Հայոց ցեղասպանության հարցում պետք կոտրել տաբուները, նա ասել է. «Հավատում եմ, որ Հայոց ցեղասպանության 100-ամյա տարելիցին Հայոց ցեղասպանության ճանաչման ուղղությամբ մի նոր ժեստ կարվի»:

Օլանդը թուրքերին կոչ է արել շարունակել ճշմարտության բացահայտմանն ուղղված ջանքերը և, հիշեցրել, որ ինքը ողջունում է նախորդ տարի Էրդողանի հղած ցավակցական ուղերձը:

Թուրքական Haberler կայքն արդեն հասցրել է արձագանքել Օլանդի կոչին՝ այն որակելով «լկտի»: