Թռիչք են կատարել փոքր շեղումով. Սեյրան Օհանյանը` խոցված ուղղաթիռի մասին

Այսօր ՀՀ պաշտպանության նախարար Սեյրան Օհանյանը լրագրողների հետ զրույցում պատասխանել է այն հարցին, թե արդյո՞ք հակառակորդին համարժեք պատասխան տրվեց խոցված ուղղաթիռի դեպքից հետո, որովհետև այդ մասին արվեց հայտարարություն, նաև`այդ դեպքի կապակցությամբ քրեական գործ հարուցվե՞լ է:

Նախարարն ասաց, որ ուղղաթիռի խոցման վերաբերյալ տարբեր ժամանակահատվածներում տրվել է տեղեկատվություն:

«Խոցված ուղղաթիռի հետ կապված` անցկացվել է ծառայողական քննություն, համապատասխան մարդիկ տույժեր են ստացել, պաշտոններից են ազատվել, կա հարուցված քրեական գործ: Այստեղ չափից ավելի մեղքը ոչ թե ուղղաթիռի անձնակազմինն է, որոնք ուսումավարժական պլանային թռիչք են կատարել՝ փոքր շեղումով, այլ հակառակորդինը, որը խոցել է այն»,- ասաց նախարարը: