Ղազախստանը հրաժարվել է Ռուսաստանի հետ բանակցություններից

Ղազախստանի գյուղնախարարությունը հրաժարվել է մասնակցել եռակողմ բանակցություններին, որոնց նպատակն է ռուս-բելառուսական սահմանը հատող ապրանքների վերահսկողության խստացումը:

Ռուսաստանի իշխանությունների համաձայն՝ միջոցառումները պայմանավորված են այն հանգամանքով, որ Բելառուսից ՌԴ-ի տարածքով Ղազախստան կամ այլ երկիր մատակարարվող ապրանքները իրականում բեռնաթափվում են ՌԴ-ում: Եվ ստացվում է, որ Ռուսաստանում սպառվում են ապրանքներ, որոնց ներմուծումը ներկայումս արգելված է: 

«Ղազախստանը չի ընդունում վերահսկողության մեր համակարգը և մտադիր չէ նման բանակցությյունների մասնակցել: Մենք որակում ենք դա որպես մեզ ընդառաջ գնալու ցանկության բացակայություն»,- ասել է «Ռոսսելխոզնադզորը»-ի մամուլի քարտուղար Յուլիա Տրոֆիմովան:

Հիշեցնենք,  որ ռուսական կողմի որոշումը վհատեցրել է  նաև Բելառուսի նախագահ Ալեքսանդր Լուկաշենկոյին: