Էրդողանը հրաժարվել է Հաֆթարի հետ բանակցություններից. Լիբիացի գեներալի պայմանը թուրքական զորքի հեռացումն է

Թուրքիայի նախագահ Ռեջեփ Թայիփ Էրդողանը հայտարարել է, որ Լիբիայի Ազգային բանակի հրամանատար գեներալ Հալիֆե Հաֆթարին չի համարում երկխոսության կողմ. մեջբերում է «Անադոլու» գործակալությունը:

«Հաֆթարը վճարված լեգիոներ է, որը Լիբիայում չունի օրինական իշխանություն: Նա մեր զրուցակիցը չէ, մենք նրա հետ չենք խոսելու», - հայտարարել է Էրդողանը:

Ռուսական «ՌԻԱ Նովոստիին» տված հարցազրույցում՝ Հաֆթարը նշել էր, որ Լիբիայում կդադարեցնի ռազմանական գործողությունները միայն այն ժամանակ, երբ երկրի տարածքից դուրս բերվեն թուրքական զորքերը:

Էրդողանը, ի պատասխան այս հայտարարություններին, ասաց, որ նրանք, ովքեր կոչ են անում, որ Թուրքիան դուրս բերի իր զորքերը Լիբիայից, մոռանում են, որ իրենց կողքին կռվում են այլ երկրներից ժամանած վարձկաններ. հայտնում է Yerkir.am-ը: