«Հրաշալի» եռյակը հրաժարվել է բանակցություններից

Այսօր ԱԺ-ում կայացել է ընդդիմության եւ այլընտրանք ԲՀԿ-ի ներկայացուցիչների հանդիպումը ԱԺ նախագահի և կառավարության ներկայացուցիչի հետ:

Լրագրողների հետ զրույցում «Ժառանգություն» խմբակցության ղեկավար Ռուբեն Հակոբյանը նշեց, որ հանդիպմանը ներկա էր նաև կառավարության աշխատակազմի ղեկավար-նախարար Դավիթ Հարությունյանը:


Հանդիպման ժամանակ իշխանության ներկայացուցիչները առաջարկել են քննարկել 12 կետերը և բանակցություններ սկսել այդ խնդիրների շուրջ, սակայն Ռուբեն Հակոբյանը և ԲՀԿ-ական Միքայել Մելքումյանը եռյակի անունից հրաժարվել են բանակցություններ վարել:


«Մենք գնացինք և հայտարարեցինք, որ մենք այս հարցի շուրջ բանակցությունների հարց չունենք, որովհետև այս ընթացքում կառավարությունը, քաղաքական մեծամասնությունը բազմիցս ապացուցել է, որ նման գործընթացներն ինքն օգտագործում է կառուցողական կերպար ներկայացնելու համար, բայց, ըստ էության, դրանք իմիտացիոն գործընթացներ են», - ասաց Ռուբեն Հակոբյանը:


Պատգամավորի խոսքով` իշխանությունները կարող էին իրականացնել Ընտրական օրենսգրքի փոփոխությունը, որն այդ 12 կետերից մեկն է, քանի որ այդ պահանջի կատարումը չի ենթադրում ո'չ ճանապարհային քարտեզ, ո'չ ֆինանսական ներդրումներ: Սակայն կառավարությունը դա չկատարեց: