Թուրքական կայքի անդրադարձը՝ Սարգսյան-Ալիև հանդիպմանը

Թուրքական Haberler կայքն անդրադարձել է ՀՀ նախագահ Սերժ Սարգսյանի և Ադրբեջանի նախագահ Իլհամ Ալիևի՝ այսօր Ֆրանսիայում կայանալիք հանդիպմանը՝ հերթական անգամ հանդես գալով կեղծ քարոզչությամբ, թե հանդիպումը տեղի է ունենալու Հայաստանի կողմից «գրավված» ԼՂ հարցի վերաբերյալ:

Ըստ կայքի` Ֆրանսիայի նախագահ Ֆրանսուա Օլանդը նախ կհանդիպի Ադրբեջանի նախագահի, այնուհետև՝ Հայաստանի նախագահի հետ, որից հետո՝ երեկոյան, նախատեսվում է եռակողմ հանդիպում:

Կայքն անդադարձել է նաև օգոստոս ամսին տեղի ունեցած սահմանային դեպքերին, որոնց արդյունքում, ըստ կայքի, զոհվել է 13 ադրբեջանցի և 5 հայ զինվոր, նաեւ նշել է, որ 20-ամյա զինադադարի ընթացքում այդքան լարված իրավիճակ սահմանին երբևէ չի եղել: