Ռուսաստանը օտարերկրյա գործարարներին հեշտացված կարգով քաղաքացիություն կտրամադրի

ՌԴ-ն հեշտացնում է օտարերկրյա գործարարների և ներդրողների՝ ՌԴ քաղաքացիություն ստանալու կարգը: Համապատասխան որոշումը ստորագրել է ՌԴ վարչապետ Դմիտրի Մեդվեդեևը. հայտնում է РИА Новости-ն:

Նպատակը Ռուսաստանի տնտեսությունում օտարերկրյա ներդրումներ ներգրավելն է:

Նշվում է, որ բացառություն են կազմում գործունեության այն տեսակները, որոնք կապված են մեծածախ եւ մանրածախ առեւտրի, ավտոտրանսպորտային միջոցների և մոտոցիկլետների վերանորոգման, հյուրանոցների և հասարակական սննդի  ձեռնարկությունների աշխատանքի, անշարժ գույքի հետ  գործողությունների, աշխատանքի տեղավորվելու և անձնակազմի ընտրության, ինչպես նաև գովազդի, իրավունքի և  հաշվապահության ոլորտում գործունեության հետ: 

Բացառությունները պայմանավորված են  համապատասխան ոլորտներում հավելյալ նոր մասնակիցներ ներգրավելու պահանջարկի բացակայությամբ: